Orðið.fo hevur sum endamál at veita kristiligt lærutilfar til føroyingar. Heimasíðan verður fyri tað mesta dagført við bíbliutímum tiknir á video, men heimasíðan verður eisini dagførd við greinum, sum eru ætlaðar til uppmuntran og andaliga uppbygging.
Bíbliuundirvísingin, sum verður løgd út á Orðið.fo, kann brúkast á ymsan hátt. Hon er væl egnað at brúka hjá bíbliu- og húsbólkum, men ætlanin við bíbliutímunum er eisini, at hvør einstakur fær møguleikan at kenna Orð Guds betur. Allir bíbliutímarnir eru ætlaðir til íblástur og at stuðla persónliga bíbliulesnaðinum.
Í Ápostlasøguni 2,42 lesa vit, at fyrsta samkoman – saman við bønini, andaliga samfelagnum og breyðbrótingini – helt fast við læru ápostlanna. Vón og bøn okkara er, at Orðið.fo er við til at varðveita hesa læru.
